Поповолна состојбата во преработувачката индустрија
Економската состојба на фирмите од преработувачката индустрија во септември во однос на август годинава е поповолна, а многу поповолна споредено со септември лани, оценуваат раководителите на фирмите во анкетата за Државниот завод за статистика.
Според оценката на раководителите, бројот на вработените ќе се зголеми.
Индикаторот на доверба во преработувачката индустрија во септември во однос на август годинава е зголемен за 0,6 проценти, а споредено со септември лани за 5,5 проценти.
Состојбата на обезбеденоста на производството со порачки во септември во однос на август годинава е поповолна, очекувањата за обемот на производството во наредните три месеци се речиси на исто ниво како во претходниот месец, а залихите на готовите производи сe намалени.
Просечното искористување на капацитетите на деловните субјекти во септември годинава изнесува 65,6 проценти од нормалното искористување.
Најголемо влијание на ограничувањето на обемот на производството имале недоволната странска побарувачка со 21,2 процента, недоволната домашна побарувачка со 18,9 проценти и недостигот на квалификувана работна сила со 15 проценти.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје