Поради штрајк Грција ќе остане без железнички сообраќај од утре до петок

Грчките железничари од утре до петок стапуваат во штрајк, поради што нема да сообраќаат возовите.

Синдикатот на вработените во грчката железница „Треносе“ соопшти дека за време на протестите ќе бидат откажани сите линии на возовите, како и на градската железница во Атина.

Штрајкувачите не се задоволни од условите за работа и од состојбата на железничката инфраструктура.