Поради студот дефекти во водоводната мрежа и зголемена потрошувачка на вода во Прилеп
Поради студот и ниските температури деновиве има дефекти во водоводната мрежа и во потисните цевководи во Прилеп, а потрошувачката на вода е енормно зголемена, информира директорот на ЈП „Водовод и канализација“ Сашо Николоски.
Во божикниот викенд се острануваше дефект во водоснабдувањето во селото Селце, има замрзнато куќни водомери, а во моментов нарушено е водоснабдувањето за две населени места.
-Во текот на божикните празници „Водовод и канализација“ имаше многу интервенции. Студот и ниските температури предизвикаа дефекти во водоводната мрежа, така и на водомерите на корисниците. Имавме преку 80 интервенции на замрзнати водомери. имавме интервенции и на потисни цевководи поради замрзнување. Во саботата, токму на Божик, жителите на прилепското село Селце осанаа без вода поради замрзнување на цевководот. Дефекот е отстранет и е нормализирано водоснабдувањето.
Во овој момент поголеми проблеми има во населените места Канатларци, горните делови и во селото Чепигово каде што има прекин на водоснабдувањето поради дефекти од замрзнување. Настојуваме да го решиме проблемот, специфично е зашто тешко се лоцира замрзнувањето на водоводните линии, вели Николоски.
Поради студот и фактот што се пуштаат чешмите во домовите да не замврзнат енормно е зголемена потрошувачката на вода. Николоски апелира до прилепчани да не се пуштаат чешмите, зашто може да се наруши водоснабдувањето.
- Ако пред три-четири дена, Прилеп се снабдуваше со 240 литри вода во секунда, во овој момент порошувачката е над 440 литри вода во секунда, што и нас не изненади. Брзо интервениравме со дополнителни количества вода. За овие дополнителни количества вода во пресрет ни излезе ЈП „Студенчица“. Доколку ваквата временска состојба се задржи, апелираме до граѓаните повеќе да ги загреваат купатилата за да нема зголемена потрошувачка на вода и да се пуштаат да течат чешмите. Во спротивно тоа може да направи проблем во водоснабдувањето. Се надеваме да се остварат предвидувањата на метеоролозите дека студот ќе попушти за два-три дена, објаснува Николоски.
ЈП „Водовод и канализација“ е надлежно за водоснабдувањето на Прилеп и во 23 населени места.
Популарно од Македонија
Ново на Сител
-
Рубио: Притисокот на САД врз сојузниците во НАТО да вложуваат повеќе во одбраната не е непријателска работа
-
Трамп: Секој што го користи терминот вештачка интелигенција е „непријател“
-
Алармантни бројки од Онкологија: Лани откриени 1.000 нови случаи на рак на дојка, 7.000 заболени се на активен третман
-
Муцунски: Добрососедските односи се суштински за европска интеграција, Коридорот 8 овозможува тој принцип да се оствари
-
Жена нападната и расечена со остар предмет од партнерот во Скопје
-
Кривична за угостител од Дебар, послужил алкохол на малолетник кој подоцна физички нападнал свој врсник
-
Повторно искршено детско игралиште во Кисела Вода: „Неколку пати се поправаше, сè е за ништо“
-
Кај 43-годишник од скопско пронајдени пушка, пиштол, муниција и шприцови со масло од канабис
