Поскапуваат бензините, дизелот поевтинува за половина денар
Бензинот ЕУРОСУПЕР БС-95 од ноќеска на полноќ поскапува за денар, а за половина денар ЕУРОСУПЕР БС-98. За половина денар, пак, поевтинува дизелот, одлучи денеска Регулаторната комисија за енергетика и водни услуги.
Новата малопродажна цена на бензинот ЕУРОСУПЕР БС-95 е 50,50 денари по литар, а на ЕУРОСУПЕР БС-98 ќе изнесува 52,50 денари. Новата цена на ЕУРОДИЗЕЛ (Д-Е V) ќе изнесува 42 денари, а Екстра лесното масло за домаќинство (ЕЛ-1) ќе се продава по 31 денар. Малопродажната цена на мазутот М-1 НС ќе изнесува 16,144 денари по килограм.
Со одлуката на РКЕ се врши намалување на малопродажните цени на нафтените деривати во прoсек за 0,26 проценти во однос на утврдените цените на 27 април годинава.
Клучните фактори што влијаат на крајната цена согласно Методологијата за формирање на цените се референтните цени на нафтените деривати на светскиот пазар и курсот на денарот во однос на доларот.
– Во изминатиот седумдневен период референтните цени на нафтените деривати бележат зголемување кај бензинот во просек за околу 8,197 проценти, кај дизелот има намалување во просек за околу 3,342 проценти, кај екстра лесното масло има зголемување во просек за околу 2,615 посто и кај мазутот се регистрира намалување во просек за околу 8,932 отсто, соопшти РКЕ.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд