Повеќето Шкотланѓани не сакаат нов референдум за независност
Повеќето шкотски избирачи не сакаат нов референдум за независност од Обединетото кралство, покажуваат резултатите од анкетата на „Кантер“, цитирани од британските медиуми.
Откако Шкотланѓаните не го поддржаа Брегзит и масовно гласаа за останување во ЕУ, Владата на Шкотската национална партија побара нов референдум за независност, на кој Лондон се спротивстави.
Според истражувањето на „Кантер“, барањето на првиот министер на Шкотска, Никола Старџен, за органиизирање нов референдум во есента 2018 или пролетта 2019 година, има поддршка од само 26 отсто од анкетираните вкупно 1.060 лица, додека 46 отсто се изјасниле против референдум.
Доколку, сепак, се свика референдум, тогаш 55 отсто ќе гласаат против независност и едвај 37 отсто ќе го поддржат излезот од Обединетото кралство.
На референдумот во 2014 година 55 отсто од Шкотланѓаните се изјаснија против независност од Велика Британија.
Ново на Сител
-
Парламентарна кампања
-
Истече рокот за приговор до ДИК
-
Претседателска кампања 2024
-
Тема на денот со Максим Димитриевски, претседател на ЗНАМ
-
Течат последните часови од рокот за приговор - ДИК ќе чека до 19 часот
-
И Мицкоски и Ковачевски во поход за поддршка од помалите партии
-
Изборна кампања
-
Ценовен шок за возачите: Поскапе осигурувањето за регистрација на возилата