Повлечено предупредувањето за можни поплави во северозападна Франција
Француските власти денеска го повлекоа предупредувањето за можни поплави на речиси половина од територијата на северозападниот регион Нормадија, што беше објавено вчера.
- Минатата ноќ имаше неколку излевања на Сена во градовите Елбоф и Руан, но тие беа со ограничен и локален карактер, соопштија утрово властите на департманот Сен Маритим.
Властите вчера објавија дека очекуваат водата во реката Сена во Нормандија да достигне максимлано ниво околу три часот изутринава, што може да претставува опасност за нејзино излевање од коритото и предизвикување поплави.
Во меѓу време, властите информираа дека нивото на Сена во Париз минатата ноќ паднало под шест метри и во три часот изнесувало 5,85 метри, што се уште е околу четири метри над нормалното ниво на реката.
По намалувањето на опасноста од поплави во Париз, денеска по неколку дена неработење повторно беше отворен изложбениот центар Гран Пеле, кој се наоѓа на брегот на Сена. Засега се уште затворени остануваат музејот Лувр и неколку станици на париското метро.
Во полавите во Франција, предизвикани од поројните дождови, животите ги загубија четири лица.
Вкупниот биланс на жртвите од поплавите што изминативе денови ја погодија Европа изнесува 18 лица, од кои покрај четирите во Франција, 11 ги загубија животите во Германија, две во Романија и едно во Белгија.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња