Повреден моторциклист и сопатник малолетник од село Новак
Малолетник од село Новак, општина Центар Жупа е тешко повреден откако паднал од моторцикл, што го управувал негов соселанец, кој се здобил со полесни повреди.
– Во дебарското одделение за внатрешни работи, кое со својата активност ја покрива и општина Центар Жупа пријавено е дека во селото Новак, општина Центар Жупа, О.А.(22) од истото село, управувајќи мотоцикл марка „Јонвеи“, без регистарски ознаки, изгубил контрола и паднал на коловозот, заедно со неговиот малолетен сопатник, изјави Стефан Димоски, портпарол на Секторот за внатрешни работи- Охрид.
Тој додаде дека во несреќата со тешки телесни повреди се здобил 17-годишниот сопатник од истото село, а мотоциклистот О.А. се здобил со телесни повреди констатирани во Општата болница во Дебар.
Од болницата потврдуваат дека повредените се вон животна опасност.
И покрај апелите за почитување на сообраќајните правила и прописи и засилените акциски контроли кон возачи на велосипед со мотор, мопеди и моторцикли, сепак голем е бројот на лицата кои возат со поголема брзина од дозволената, без задолжително носење кацига, а уште побројни се оние кои возат без возачка дозвола.
– Само пред два дена полициските службеници регистрираа и санкционираа седум прекршоци сторени од овие возачи, најчесто управување без заштитна кацига, без возачка дозвола и нерегистрирани мотор, мопеди и моторцикли, вели Димоски, повторувајќи го апелот.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО