Пожар на сува трева и мала површина на борова шума во Овче Поле
Гори сува трева и борова шума во атарот на светиниколското село Богословец. Градоначалникот на Општина Свети Николе, Сашо Велковски за МИА вели дека зафатени се околу 30 хектари сува трева и мала површина на борова шума. Огнената стихија се спушта од селото Богословец и оди во правец кон експресниот пат Штип – Велес.
– Пожарот е далеку од екпресниот пат Штип – Велес, гасењето го отежнува ветерот. На терен веќе три часа се 10 пожарникари и околу 30 лица од доброволното Противпожарно друштво на Свети Николе, вработени во Национални шуми и од светиниколското комунално претпријатие, изјави Велковски.
Поради силниот, но топол ветер, мирисот на чад се чувствува и во првите населби во Штип, па штипската Територијална противпожарна единица (ТППЕ) добива постојано повици дали имаат некаде активен пожар.
Командирот на ТППЕ-Штип, Тони Атанасов, изјави дека во штипскиот регион нема повици за активни пожари. Во моментов дел од штипските пожарникари се во Пехчево, и на два дена ротираат, со цел да се спаси Малешевско-пијанечкиот регион.
Ново на Сител
-
Бајден: Убиството на Ханија не е од помош за прекинот на огнот
-
Одбележување на Илинден во Крушево, Пелинце и Скопје
-
Зголемена фреквенција на возила на ГП Табановце за влез и ГП Богородица за излез од државата
-
СПМ со честитка по повод 2 Август-Денот на републиката и Илинден
-
Полициските хеликоптери фрлија над 140 тони вода врз пожарите во Старо Нагоричане и во Светиниколско
-
Тројца повредени во сообраќајка на три возила во Скопје
-
САД го признаваат Едмунд Гонзалес за победник на изборите во Венецуела
-
За Илинден до Крушево да се користат патните правци преку Битола и Кичево