Пратеникот Зендели во Подгорица на седница на Комисијата за социјален развој, образование, истражување и наука на ПС на ПСЈИЕ
Пратеникот Фадил Зендели, член на Делегацијата на Собранието на Северна Република Македонија во Парламентарното собрание на Процесот за соработка во Југоисточна Европа (ПС на ПСЈИЕ), денеска и утре во Подгорица, Црна Гора, ќе учествува на седницата на Комисијата за социјален развој, образование, истражување и наука на ПС на ПСЈИЕ.
Како што соопшти собраниската прес-служба, на седницата се очекува да се обратат Иван Брајовиќ, претседател на Парламентот; Дамир Шеховиќ, министер за образование и Сања Дамјановиќ, министер за наука на Црна Гора.
Членовите на Комисијата ќе дискутираат по Предлог-извештајот и Резолуцијата на тема „Науката и новите технологии во служба на модерното образование“. Во дневниот ред на седницата се вклучени прашања во врска со работната програма на Комисијата за наредниот периодот, како и подготовките за претстојната годишна сесија на Парламентарното собрание на ПСЈИЕ, што ќе се одржи во јуни 2019 година во Сараево, Босна и Херцеговина.
Парламентарното собрание на ПСЈИЕ, во кое членуваат парламентите на земјите на Југоисточна Европа: Албанија, Босна и Херцеговина, Бугарија, Грција, Косово, Молдавија, Романија, Северна Македонија, Словенија, Србија, Турција, Хрватска и Црна Гора своите цели и задачи ги базира на принципите на регионална сопственост и европска интеграција. Парламентарното собрание игра значајна улога во промовирањето на парламентарното учество и олеснувањето на интерпарламентарниот дијалог и соработка во регионот, како и во поттикнувањето на процесот на интеграција во Европската Унија.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата