Преку МојДДВ на граѓаните за девет месеци вратени 10,7 милиони евра
Преку мерката МојДДВ која стартуваше во јули минатата година до март годинава на граѓаните им е извршен поврат на ДДВ од 10,7 милиони евра.
-Од лансирањето на МојДДВ во јули 2019 година до март 2020 година, односно за девет месеци на граѓаните им е извршен поврат на ДДВ од 10,7 милиони евра, од кои повеќе од половина е поврат извршен за периодот јануари-март 2020 година, напиша министерката за финансии Нина Ангеловска на својот ФБ профил.
Додава дека од тримесечје во тримесечје повратот на ДДВ кон граѓаните е поголем, што значи дека борбата против неформалната економија зајакнува.
-Октомври-декекември 2019 повратот е повисок за 35,8 отсто во однос на претходното тримесечје, јануари-март 2020 повратот е повисок за 37,8 отсто во однос на претходното тримесечје, стои во објавата на министерката во која додава дека и бројот на граѓани кои скенираат сметки се зголемува, односно за третиот квартал од 2019 поврат добиле 155.664 граѓани, во четвртиот 188.135 граѓани и во првиот квартал годинава 232.716 граѓани.
Отсега граѓаните кои ќе купуваат и скенираат сметки за домашни производи наместо 15 отсто ќе добиваат 20 отсто поврат на ДДВ, додека за останатите повратот ќе изнесува 10 отсто. МојДДВ освен во борбата против неформалната економија ќе придонесе и кон ревитализирањето на домашната економија, напиша министерката на својот ФБ профил.
Ново на Сител
-
Лишен од слобода гостиварец, управувал возило без дозвола, под дејство на алкохол
-
Мицкоски: Влашката заедница има значаен придонес во градење на македонската држава
-
Администрацијата на Трамп воведува ново правило за аплицирање за „Зелена карта“
-
Реал Мадрид втор финалист во Евролигата
-
Муцунски: Во Западен Балкан сè уште постојат безбедносни ризици, регионот и понатаму треба да биде во фокусот на НАТО
-
Сиљановска Давкова: Треба да сме горди како единствената држава во којашто Власите се уставен етнички ентитет, рамноправен со другите
-
Најниска температура изутринава на Попова Шапка, највисока во Гевгелија
-
Студентите во блокада во Србија организираат протест во Белград
