Премиер лига: Чуден спас на Арсенал!
Арсенал се спаси од пораз на Витали стадионот во Борнмут, откако во последните 20 минути успеа да ја надомести негативата од три гола. Арсенал од пораз го спаси Оливие Жиру кој израмни на 3:3 во 92.минута од натпреварот.
Арсенал успеа да се спаси од дебакл во Бормнут, откако одигра лошо прво полувреме и му дозволи на домаќинот во првите 20 минути да постигне два гола. Чарли Данијелс изведе прекрасна минијатура и го совлада Чех, а потоа Калум Вилсон погоди од „белата точка“.
Водството на Борнмут го зголеми Рајан Фрејзер во 58.минута.
Драмата на Витали стадионот, Арсенал ја најави во 70.минута кога Алексис Санчез го намали резултатот со својот 13-ти гол во Премиерлигата. Пет минути подоцна негативата дополнително ја намали Лукас Перез.
Судијата Мајкл Оливер во 82.минута престрого, со црвен картон, го казни Френсис, а предноста од играч повеќе Арсенал ја искористи во 92.минута кога Жиру ги постави конечните 3:3.
Борнмут со 25 бодови е деветти на табелата, додека Арсенал е на четвртото место со 41 бод.
Во преостанатите два натпревари Стоук славеше над Вотфорд 2:0, а Кристал Палас ја продлабочи кризата откако загуби од фенерџијата Свонси 1:2.
Ова коло, во среда, ќе го комплетира лондонското дерби помеѓу Тотенхем и Челзи.
Популарно од Фудбал
Ново на Сител
-
Тема на денот со Воислав Димитровски, директор на „Лајка“
-
Мицкоски на свечена академија „80 години од доселувањето на Македонците во Војводина“
-
Мицкоски на свечена академија „80 години од доселувањето на Македонците во Војводина“
-
Мицкоски: Не се поместуваме ни милиметар ако не се помести и Софија
-
14 инспекции ќе казнуваат ако се пушат цигари на места каде е забрането – Законот стапува на сила летово
-
Од понеделник премиерот очекува поевтинување на дизелот за 6,5 денари, ДДВ-то се враќа на 18%
-
Оформени 45 предмети и изречени над 200.000 евра казни за непочитување на Законот за нефер трговски практики
-
Гастрономската понуда клучен фактор за повеќе туристи
