Премиер лига: Чуден спас на Арсенал!
Арсенал се спаси од пораз на Витали стадионот во Борнмут, откако во последните 20 минути успеа да ја надомести негативата од три гола. Арсенал од пораз го спаси Оливие Жиру кој израмни на 3:3 во 92.минута од натпреварот.
Арсенал успеа да се спаси од дебакл во Бормнут, откако одигра лошо прво полувреме и му дозволи на домаќинот во првите 20 минути да постигне два гола. Чарли Данијелс изведе прекрасна минијатура и го совлада Чех, а потоа Калум Вилсон погоди од „белата точка“.
Водството на Борнмут го зголеми Рајан Фрејзер во 58.минута.
Драмата на Витали стадионот, Арсенал ја најави во 70.минута кога Алексис Санчез го намали резултатот со својот 13-ти гол во Премиерлигата. Пет минути подоцна негативата дополнително ја намали Лукас Перез.
Судијата Мајкл Оливер во 82.минута престрого, со црвен картон, го казни Френсис, а предноста од играч повеќе Арсенал ја искористи во 92.минута кога Жиру ги постави конечните 3:3.
Борнмут со 25 бодови е деветти на табелата, додека Арсенал е на четвртото место со 41 бод.
Во преостанатите два натпревари Стоук славеше над Вотфорд 2:0, а Кристал Палас ја продлабочи кризата откако загуби од фенерџијата Свонси 1:2.
Ова коло, во среда, ќе го комплетира лондонското дерби помеѓу Тотенхем и Челзи.
Популарно од Фудбал
Ново на Сител
-
Кремљ ѝ порача на ЕУ: Ги преминавте сите црвени линии
-
Едно лице загина во Париз по немирите по победата на ПСЖ во Лигата на шампионите
-
Во Конго и Уганда се потврдени 263 случаи на ебола
-
Николоски: Во Новаци инвестираме 1,2 милиони евра во изградба на индустриска зона и улици, се градат и првите две фабрики
-
МВР: Шест возачи приведени поради безобѕирно управување, дел под дејство на алкохол
-
МВР: Одобрение за патување во странство за деца до 14 години ќе се издава и во сабота
-
Четири лица лишени од слобода и еден службен разговор по седум пријави за семејно насилство во изминатото деноноќие
-
Владата ја продолжи мерката за намалување на акцизите на нафтените деривати до 15 мај
