Премиери на „Доме слатки доме“ и „Ноќен живот“ во Карлови Вари
На меѓународниот филмски фестивал во Карлови Вари вчера се одржа светската премиера на филмот „Ноќен живот“ на режисерот Дамјан Козоле, а денеска ќе биде премиерно прикажан „Доме слатки доме“ на Фатон Бајрактари.
Двата филма се поддржани од Агенцијата за филм на Република Македонија како малцински копродукции.
„Ноќен живот“ е дел од главната селекција на фестивалот, а е копродукција меѓу Словенија, Македонија и БиХ. Во неговата реализација учестуваа актерот Петар Арсовски, режисерот Иво Трајков во својство на супервизор на монтажа, студиото ФХЗХ кое ги работеше специјалните ефекти на филмот,...
На премиерата присуствуваа копродуцентот Лабина Митевска од продуцентската куќа „Сестри и брат Митевски“, директорката на Агенцијата за филм Мими Ѓоргоска-Илиевска, како и амбасадорот на Македонија во Чешка Паскал Стојчески.
Премиерата на „Доме слатки доме“ е дел од програмата East of the West. Филмот е косовско-македонска копродукција. Македонски копродуцент е Сенад Абдули од продуцентската куќа „Арнел Продакшен“. Во реализацијата учествуваа Блаже Дулев, монтажер, Дарко Спасовски- Пацки, музика и дизај на звук, Маријан Спасовски, мајстор на светло,...
На премиерата ќе присуствуваат екипата која го реализираше филмот, директорката Ѓоргоска Илиевска и директорот на Косовскиот филмски центар Арбен Жарку.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари