Пресврт во истрагата за починатиот рокер: Жената откри дека се борел со зависности
Сопругата на американскиот музичар Крис Корнел, кој во средата навечер почина во хотелска соба во Детроит, денеска го оспори извештајот на судските патолози според кој тој извршил самоубиство со бесење, наведувајќи ја можноста нејзиниот сопруг да се предозирал со лекови против анксиозност.
Судските патолози соопштија дека пејачот на бендовите Саундгарден и Аудиослејв извршил самоубиство со бесење, но семејството на Корнел наведува дека без токсиколошки наоди не може да се знае точната причина за смртта. Вики Корнел рече дека со сопругот разговарала по телефон после покцертот и кога се вратил во хотелската соба, наведувајќи дека тој и рекол дека можеби ќе земе две таблети Ативан, кој му бил препишан против анксиозност. Ативан е седатив кој во прекумерна доза може да предизвика вртоглавица, конфузија и поспаност.
-Без резултатите од токсиколошките наоди не можеме да знаеме што точно му се случило на Крис, додава Вики Корнел, која верува дека Корнел и покрај проблемисте со зависноста не би се убил зошто им бил посветен на сопругата и децата. Корнел (52) пред два дена е пронајден во несвесна состојба во хотелска соба, а локалната полицијата отвори истрага за можно самоубиство, зошто музичарот имал врвка на вратот. Корнел беше пејач во бендот Саундгарден од Сиетл, колевката на гранџ движењето настанато во 90-тите години.
Саундгарден е еден од членовите на “големата гранџ четворка“ заедно со бендовите - Нирвана, Перл Џе и Алис ин чејнс. Бендот беше активен од 1984 до 1997 година, а потоа во 2010 година ја обнови работата. Корнел имаше Фондација „Крис и Вики Коренел“ која ја основаше со сопругата со цел поддршка на злоставувани и сиромашни деца.
Ново на Сител
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство
-
Дрво падна врз жена во Скопје | ВИДЕО
-
Полицаец го напуштил работното место па пукал во воздух