Претседателот на Европската Асоцијација на Еразмус координатори во посета на штипскиот Универзитет
Директорот на Асоцијацијата на Еразмус координаторите и на европската канцеларија за кариера, Грегорис Макридес денеска одржа предавање на студентите и професорите за можностите што ги нудат овие две асоцијации, но и останатите фондови на ЕУ за реализирање на проекти од научната сфера.
- Целта е да се стимулира иновација меѓу европските фондови, фондови кои ќе ги користат сите земји на Европа. Оваа земја има право да учествува, една од најактивните е во Еразмус Програмата, а ја има и во други програми. Постојат многу можности во Фондовите, а денеска ќе прикажеме неколку идеи и како да се развиваат, вели Макридес.
Смета дека македонските универзитети треба да бидат поактивно вклучени во конферциите на Еразмус програмата, а програмата како што рече нуди мобилност на студентите и професорите, како и поголемо знаење и искуство во делот на научно истражувачките проекти.
Макридес денеска имал средба со ректорот на универзитетот „Гоце Делчев“-Штип, Блажо Боев, на која што штипскиот ректор се интересирал за можностите за остварување на соработка и вмрежување со други европски универзитети. Прашан дали македонските универзитети имаат проблеми поради политичкиот спор со соседна Грција, Макридес вели дека меѓу универзитетите постои соработка.
- Мислам дека соработката преовладува. Ги разбирам споровите, но, работиме и се надевам дека политичките проблеми нема да ја надвладеат соработката, вели Макридес.
Деканот на Електро-техничкиот факултет при универзитетот „Гоце Делчев“-Штип, Татјана Атанасова – Пачемска вели дека претседателот на двете европски асоцијации е гостин во Штип во рамките на проектот Математичка дебата, кој што официјално стратуваше на 1 декември 2016 година, а е подджан од Еразмус Програмата.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија