Претседателот Пендаровски на одбележување на еврејскиот празник Ханука

Претседателот Стево Пендаровски вчеравечер на покана на Еврејската заедница на Република Северна Македонија присуствувал на одбележувањето на еврејскиот празник Ханука.

Во рамки на одбележувањето на празникот, како што соопштија од кабинетоте на претседателот, Пендаровски присуствувал на службата во синагогата „Бет Јаков“ која ја држел хазанот од Нови Сад Владислав Траер и ја запалил осмата свеќа на Ханукијата, како централен чин во одбележувањето на празникот.

-Претседателот Пендаровски на претседателот на Еврејската заедница Пепо Леви и претставниците на заедницата, им го честита празникот на светлината, посакувајќи им мир, радост и здравје, стои во соопштението.