Презентација на Стратегијата за соработка со СЗО 2026-2030

Во организација на Министерството за здравство денеска ќе биде презентирана првата Стратегија за соработка на Светската здравствена организација (СЗО) со Северна Македонија 2026-2030 година.

Според програмата, на презентацијата на Стратегијата ќе се обратат министерот за здравство Азир Алиу, постојаниот координатор на Обединетите нации во земјава Рита Колумбиа и претставникот на СЗО во Северна Македонија д-р Аким Али.

Предвидени се изјави од првиот вицепремиер и министер за животна средина и просторно планирање Изет Меџити, министерката за енергетика, рударство и минерални суровини Сања Божиновска, министерката за образование и наука Весна Јаневска и од министерот за труд и социјална политика Фатмир Лимани. 

Според агендата, изјави ќе дадат и претставничката на УНИЦЕФ во земјава Лесли Милер, претставничката на Канцеларијата на УНФПА во Северна Македонија Афродита Шаља, претставничката на UN Women Весна Ивановиќ - Кастаред и Урим Касапи, програмски менаџер во УНДП. 

МИА