Преживеал хеликоптерска несреќа, но загинал од спасувачкото летало

Колумбиец чиј хеликоптер се урнал животот го загубил откако врз него паднал втор хеликоптер кој дошол по него во спасувачка мисија, пренесе „Индипендент“.

Видеото објавено на интернет, покажува како хеликоптерот кружи над рушевините на паднатото летало, по што пилотот ја загуби контролата и хеликоптерот се урна.

Несреќата се случила на 15 април во планините во јужниот дел на земјата. Како што се веливо соопштението, станува збор за вработен во компанијата „Хелифи“.

Од полицијата наведуваат дека првиот хеликоптер паднал поради техничка грешка, по што друг бил испратен на местото на настанот, но и тој имал одредени технички тешкотии, па се урнал.