При уривање на зграда загинаа најмалку 21 лицe во Мумбај
Бројот на загинатите од уривањето на петкатница во Мумбај достигна 21 лицe, соопшти локалната полиција.
Се стравува дека најмалку 10 лица се затрупани под урнатините.
Во спасувачката акција, освен стручните сили за спасување, учествува и локалното население и полицијата, кои досега извлекоа над 30 лица, кои се веднаш хоспитализирани. Во операцијата се повредени и шестмина пожарникари.
Петкатницата се урна утрово во осум часот и 40 минути по локално време во населбата Бенди Базар, а во неа живееле осум или девет семејства. Зградата стара 117 години, се урна денеска, по дводневните поројни монсунски дождови, за кои се претпоставува дека се причина за несреќата.
- Слушнавме гласен тресок. Не можевме ништо да видиме од прашината и димот. Кога слегна прашината, сфативме дека зградата се урнала, изјави очевидец од околината.
Ова е втора зграда која во Мумбај се урива во последните 30 дена, откако кон крајот на јули се урна четирикатница, при што загинаа 17 лица.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија