Пријави за поплавени подруми, паднати дрвја, оштетени автомобили по невремето во скопско и тетовско
Пријави за поплавени дворови, подруми, куќи, паднати дрвја, бандери, лимови и оштетени автомобили се добиени на Единствениот број за итни случаи по невремето што попладнето и во текот на вечерта ги зафати тетовско, скопско и кумановско.
Од Центарот за управување со кризи вечерва информираа дека во Скопје има пријава за лимен кров кој претставува опасност да падне на улицата „23 Октомври“ спроти зградата број 15, а поради паднато дрво кај клучката Радишани кон Бутел сообраќајот е прекинат.
Во 20:30 часот добиена е пријава за откачен олук на булеварот „АСНОМ“ бр.12 за што е известена единицата на локална самоуправа Аеродром, а има и пријава за поплавен подрум на улицата 84
Во тетовско има пријава за поплавена куќа од која се прават обиди со пумпи да се испумпа водата.
Претходно, ЦУК повикувајќи се на информации од РЦУК Тетово, информираше дека се добиени податоци за блокиран пат од Селце кон Вејце на Шар Планина, непрооден дел од булеварот „Благоја Тоска“ кај тетовската Касарна каде има заглавено возило, како и за поплавени куќи.
Пријава до ЦУК е стигната и за поплавена куќа на улицата „Народна револуција“ во Куманово.
Невремето беше предизвикано од интензивна нестабилна воздушна маса, проследена со интензивен пороен дожд, засилен ветер и појава на град. Почна од тетовскиот регион кон Скопје. Околу Скопската котлина и Куманово имаше неколку развиени јадра на невремето, различни по интензитетот.
Ново на Сител
-
Драма во Скопје: Маж со нож ги одзел децата од мајката во прифатен центар
-
Жена нападната од поранешниот партнер - Ја натепал и нејзината малолетна сестра
-
82-годишен дедо полово вознемирувал тројца малолетници
-
Еден од обвинетите за убиствата на Вања и Панче во тешка здравствена состојба е пренесен во болница
-
Изминатата недела 45 случаи на Ковид-19, починати две лица
-
Индустриското производство намалено за 3,6 отсто
-
Просечната каматна стапка на вкупните кредити 5,44%, а на депозитите 1,96%
-
НБ: Нето надворешниот долг до 30 јуни 4,48 милијарди евра