Примера: Барселона остана лидер

На првиот натпревар од 23.коло одигран денеска Барселона како гостин го победи Леванте со 2:0. „Каталонците“ поведоа со автоголот на Давид Наваро во 21.минута, а конечните 2:0 ги постави Луис Суарез во 90+2 минута. Екипата на Валенсија ја продолжи серијата лоши резултати во Примера и на последните десет натпревари нема победа, а попладнево го доживеа четвртиот пораз. Валенсија загуби на гостувањето кај Бетис со 1:0, а стрелец на единствениот гол беше Рубен Кастро во 49.минута.

Од оваа рунда вечерва се играат дуелите: Селта – Севиља (почеток 18:15 часот) и Гранада – Реал Мадрид (почеток 20:30 часот).

Утре играат Еспањол и Реал Сосиедад.

На претходно одиграните натпревари беа постигнати следниве резултати: Хихон – Депортиво 1:1, Атлетик Билбао – Виљареал 0:0, Рајо Ваљекано – Лас Палмас 2:0, Атлетико Мадрид – Еибар 3:1 и Малага – Хетафе 3:0. 

Табела: Барселона 54 бодови, Атлетико Мадрид 51, Реал Мадрид 47, Виљареал 45, Севиља 36, Атлетик Билбао 35, Селта 34, Еибар 33,...