-->
-->
Примера: Победи за Реал и Барселона
-->
Барселона и Реал славеа победи во второто коло во Примера. Покрај најголемите кандидати за титулата победа оствари тимот на Селта, додека Реал Сосиедад и Спортинг Хихон одиграа без голови.
Барселона минимално славеше над Малага иако во текот на натпреварот имаше неколку одлични шанси за постигнување на гол. Бункерот на Малага го проби дефанзивецот Томас Вермален во 72.минута. Малага во последната минута имаше добра шанса за израмнување на резултатот, но напаѓачот Чарлс не успеа да го совлада Браво.
Реал без да прикаже некоја блескава игра го декласираше Бетис на „Сантијаго Бернабеу“. Серијата на голови ја отвори Бејл во втората минута, за голот на Велшанецот му асистираше Хамес Родригез. Колумбиецот го удвои водството на Реал со прекрасен гол од слободен удар во 39.минута.
Во второто полувреме, Бензема по центашутот на Бејл лесно го совлада Адан во 47.минута, а само две минути подцна Хамес Родригез со својот втор гол зголеми на 4:0.
Бетис имаше можност да го намали водството на противникот, но Кејлор Навас успеа да го одбрани пеналот кој го изведе Рубен Кастро.
Убедливата победа на Реал ја заокружи играчот кој ја отвори серијата на голови, Герет Бејл кој го матираше Адан во претпоследната минута од мечот и ги постави конечните 5:0.
Селта лесно се справи со Рајо Ваљекано и славеше со головите на Нолито во 10. и 50.минута, односно Фонтас во 88.минута. Работата на Селта и ја олесни противничкиот голман Тоњо кој во деветтата минута направи прекршок за пенал, поради кој доби дирекетен црвен картон.
Реал Сосиедад, во чии редови дебитираше повратникот Иљараменди, одигра без победник 0:0 против Спортинг Хихон. Двата тима по два одиграни натпревари немаат постигнато гол во шампионатот, во воведното коло Сосиедад одигра без голови против Депортиво, а Спортинг против Реал Мадрид.
-->
-->
-->
Ново на Сител
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола