Примера: Само бод за Севиља кај Алавес

По нерешениот резултат 1:1 одигран синоќа на гостувањето кај Алавес прекината е серијата од четири победи на екипата на Севиља.

 

Гостите поведоа со голот на Висам Бен Једер во 23.минута, а изедначи Александар Катаи во 75.минута.

 

Ова за екипата на Алавес беше 10.ти нерешен резултат сезонава (најмногу во Примера).

 

Алавес со 34 бодови се наоѓа на 11.место на табелата.

 

Севиља со освоениот бод има вкупно 56 и се наоѓа на третото место на табелата со три помалку од вториот Реал Мадрид и четири зад Барселона. Зад Севиља се наоѓаат Атлетико Мадрид со 49 бодови и Реал Сосиедад со 48.