Приведен крадец во Скопје за издржување казна затвор од 18 месеци

Полициски службеници од Оперативен тим потраги при СВР Скопје, вчера во 20:10 часот на бул.„Трета македонска бригада“ во Скопје, го лишиле од слобода Т.П.(33) од Скопје.

Како што соопшти денеска МВР, тој бил баран по централна потерница врз основа на наредба од Основен кривичен суд Скопје за издржување казна затвор од една година и шест месеци за сторено кривично дело по член 235 од Кривичниот законик.

Лицето било спроведено во Казнено-поправна установа Затвор Идризово за издржување на казната.