Приведен возачот кој со мопед удрил дете и избегал
Министерството за внатрешни работи соопшти дека вчера е пронајден и приведен возачот кој во средата со мопед удрил дете на улица во општина Бутел и потоа избегал и дека ќе му биде поднесена кривична пријава по брза постапка.
Настанот се случил на 2 април во 14.05 часот на крстосница од ул.„Ферид Бајрам” и ул.„Алпи” во Скопје кога мопед удрил осумгодишно дете и возачот го напуштил местото на настанот, а на детето му се констатирани телесни повреди во ГОБ „Св. Наум Охридски”.
МВР соопшти дека по преземени мерки, полициски службеници од СВР Скопје го пронашле возачот. Се работи за 63-годишник од Скопје, со иницијали Ч.Т., против кого, по брза постапка, ќе биде поднесена кривична пријава за загрозување на безбедноста на сообраќајот, за безобѕирно возење и за неукажување помош на лице повредено во сообраќајна незгода.
-Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека се преземени соодветни мерки и активности и возачот е пронајден и против него ќе биде поднесена кривична пријава по брза постапка, наведува МВР во соопштението.
Ново на Сител
-
Ќе има ли јагнешко за Велигден и по која цена?
-
Tема на денот со Михајло Лахтов, експерт за медиуми
-
Загрижувачки пораст на респираторните заболувања - околу 1000 случаи годишно со рак на белите дробови
-
Кој краде на Клиниката за онкологија – Два инциденти за 6 дена
-
Судењето за убиството на Вања продолжи со испрашување на таткото
-
Коалицијата „Вреди“ ги пегла разликите
-
Бока: Интеграцијата на Македонија во ЕУ е незавршен процес
-
Опозицијата контра именувањето на Богојески, за власта битна ќе е неговата работа, а не коментари