Приведено лице од Љуботен, осудено на казна затвор

Четириесетгодишен жител на селото Љуботен денеска бил приведен за издржување затворска казна.

МВР информира дека околу 13:30 часот, на Љуботенски пат од страна на Секторот за меѓународна полициска соработка – Одделение за потраги во содејство со Единицата за интервентна полиција од слобода е лишен А.М.(40).

- Тој се барал со судска наредба за издржување казна затвор во времетраење од една година за сторено кривично дело „недозволено изработување, држење и тргување со оружје или распрскувачки материи“, по член 396 од Кривичниот законик, информира МВР.

Лицето е предадено во полициската станица Чаир за понатамошна постапка по што ќе биде спроведено во казнено-поправна установа.