Признание за Домот на културата од Кавадарци
Домот на културата „Иван Мазов Климе” од Кавадарци го доби признанието за најактивен културен дом во изминатата 2015 година од страна на Здружението на домови и центри за култура на Македонија, информираше денеска директорот на кавадаречката културна институција, Владимир Темков.
- Минатата година органзиравме вкупно 180 културни настани. Станува збор за настани од музичко сценска, ликовна, издавачка и театарска дејност. Практично, може да се каже дека секој втор ден од една седмица, имавме културни збиднувања, рече Темков, изразувајќи благодарност до вработените од оваа културна установа, но и до уметниците кои ги збогатија културните содржини во текот на целата година.
Тој нагласи дека сите културни настани беа поддржани од градоначалникот на Кавадарци и Советот на општината.
- Ова е уште еден доказ за успешната работа на Домот на културата во Кавадарци, кој во 2010 беше град на културата во Македонија. Истовремено, ова е уште еден поттик повеќе, за негување на високите стандарди за организирање на културни настани кои ги воспоставивме, додаде Темков.
Ново на Сител
-
Апасиев: Очекуваме двоцифрен број на пратеници
-
Таравари: Ни треба нов Устав на две заедници
-
Ахмети: Уште поголема победа
-
Ковачевски: Масовна излезност на 8 мај
-
Мицкоски: СДСМ спрема црни сценарија
-
Тема на денот со Неда Малеска Сачмароска
-
Тинекс отвора уште неколку нови маркети, денеска отворен маркетот во О. Илинден
-
Во понеделник се враќа старата цена за осигурување на возилата