Пробиштип ќе добие споменик со ликот на Свети Гаврило Лесновски

Пробиштип се подготвува за одбележување на Денот на рударите. По повод  28 ми август, православниот празник Голема Богородица, заштитничката на рударите ќе се одржи свечена седница на Советот. Портпаролот на Општина Пробиштип, Валентина Ангеловска вели дека градот, токму на Голема Богородица ќе добие и споменик со ликот  на Свети Гаврил Лесновски, која ќе биде поставена на Градскиот плоштад, а кој го носи и неговото име.

- Поставувањето на постаментот се реализира од буџетот, додека споменикот на Свети Гаврило Лесновски е донација од бизнисменот Чедо Петров и неговото семејство, вели Ангеловска.  

И во остнатите рударски општини во источна Македонија течат подготовките за Денот на рударите. Во Општина Македонска Каменица рударите на 28 август на Градскиот плоштад ќе ги развесели Лепа Брена, а во Берово на 27 ми август пред Голема Богородица концерт ќе има мега ѕвездата Здравко Чолиќ.