Продолжен притворот за браќата Усеини
Основниот суд во Охрид го прифати предлогот на Основното јавно обвинителство за продолжување на мерката притвор за Нефи Усеини и неговиот брат Ибраим. Според одлуката на Судот браќата Усени ќе останат во притвор уште 30 дена, со образложение дека таквата мерка се изрекува поради постоење можност за нивно бегство.
Браќата Усеини веќе осум дена се во притвор, поради постоење сомнение дека се сторители на кривични дела „насилство“ и „неовластено држење на оружје или распрскувачки матeријали“. Тие по покренувањето на пријавата шест дена беа недостапни на органите на прогонот, по што сами се пријавија на органите на власта во Охрид.
Основниот суд во Охрид пред два дена го прифати предлогот на осомничените кои понудија 30 илјади евра како гаранција за излез од притвор, но таквта одлука вчера беше одбиена од Апелацискиот суд во Битола.
Советникот во Општина Охрид и восок функционер на ДУИ во Охрид Нефи Уесини и неговиот брат Ибраим се товарат дека физички го нападнале и му се заканувале со оружје на лицето С.Т. од Охрид и неговиот малолетен син. Додека траеше потрагата по Усеини, С.Т. го промени исказот посочувајќи дека се работи за недоразбирање односно неправилно протолкувана изјава.
Против Нефи Усеини и во минатото се поднесувани пријави за сторени кривични дела „насилство“, „физички напад“, „узурпација на јавна површина“.
Ново на Сител
-
Две лица намерно прегазиле и истепале жена во Тетово
-
19-годишник од Охрид приведен за кражба на мопед
-
Мисајловски и Агелер разговараа за претстојните билатерални консултации во областа на одбраната
-
Началникот на ГШ на Армијата Лафчиски на конференција на САД-Јадранската повелба во Тирана
-
Уставниот суд поведе постапка за „балансерот“
-
Судскиот совет одржа јавна расправа по барање за утврдување одговорност против судијата Лазар Нанев
-
Во „Синџир“ обвинети петнаесет лица вработени во УЈП
-
Адеми: Недозволиво е да се носат законски измени по примерот на Кривичен, без да се консултира судската фела