Продолжен рокот за субвенции за чистење оџаци во Скопје
Град Скопје го продолжува доделувањето субвенции на домаќинствата и на други субјекти за чистење оџаци.
– Ова е една од мерките за намалување на последиците од загадувањето на воздухот и досега за субвенции за чистење на оџаците се доставени 140 барања од граѓаните, соопшти Град Скопје.
Со оваа мерка Град Скопје ќе надомести дел од трошоците на домаќинства и на други субјекти за чистење на оџаците во износ од 1.000 денари, а за субвенции можат да достават барање физички и правни лица чие живеалиште, односно седиште е на подрачјето на главниот град.
За надоместување на дел од трошоците и докажување дека критериумите за добивање субвенции се исполнети, барателите до Град Скопје треба да достават неколку документи. Тоа се барање за надомест, кое може да се подигне во архивата на Град Скопје или да се обезбеди од интернет страницата на Градот www.skopje.gov.mk, како доказ за жителство во Град Скопје се потребни фотокопија од лична карта или пасош, а за правните субјект се бара тековна состојба не постара од шест месеци. Потврда за реализирано чистење на оџак, потпишана од стручното лице што го исчистило оџакот, фискална сметка од фирмата регистрирана за дејност чистење оџаци (шифра 81.22 согласно со Националната класификација на дејности и фотокопија од трансакциска сметка/жиро-сметка.
Барањето за искористување на правото за надомест на дел од трошоците заедно со потребната документација треба да се достави во затворен плик до Град Скопје, булевар „Илинден“ бр.82, во архивата на Град Скопје, секој работен ден од 8:30 до 15 часот.
Барањето за надомест може да се преземе на: http://www.skopje.gov.mk.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата