Променливо облачно време со пораст на дневните температури

Од Управата за хидрометеоролошки работи информираат дека следува период на променливо облачно време со услови за појава на утринска магла и ниска облачност. Дневната температура од денеска се очекува на повеќе места да биде за 3 до 5 степени повисока. Врнежи од дожд се најавени во четврток, пообилни за време на претстојниот викенд.

Наутро ќе има услови за појава на магла по котлините, а преку ден ќе биде променливо облачно, на планините со услови за појава на слаб краткотраен дожд што ќе преминува во слаб снег. Попладне се очекува да има сончеви периоди и да дува слаб ветер од променлив правец. Минималната температура ќе биде во интервал од -3 до 3, а максималната од 6 до 12 степени.

Според синоптичарите, во Скопје наутро ќе има со услови за магла, а преку ден ќе биде променливо облачно со сончеви периоди, особено попладне и со слаб до умерен ветер од југоисточен правец. Минималната температура се очекува да се спушти до 2, а максималната да достигне до 12 степени.