Промовиран романот „Мемоарите на една млечка“ на Блаже Миневски

Во рамки на 17. Литературна манифестација „Илинден 2016“, синоќа во општина Илинден беше промовиран романот „Мемоарите на една млечка“ на македонскиот писател Блаже Миневски.

За творештвото на Миневски и посебно за пораките што ги носи романот зборуваше проф. д-р Стефан Влахов Мицов.

- Приказната на романот е сместена во еден неодреден простор на Балканот, заграден со стари манастири, напуштени села и гробишта. Дејството на романот се одвива преку спомените на една глуварка која настаните ги следи преку дувањето на ветриштата во долината. Прекрасна приказна за љубовта, страдањето и животот без идеали, истакна Мицов. 

Извадоци од романот читаше Антонио Павловски.