Пронајдено тело во распаѓање во Лазарополе: Не се знае дали е на исчезнатите татко и син

Полицијата од Ростуше, армиските ренџери и полициските тигри попладнето пронајдоа машки труп во распаѓање во местото викано Кош во непристапниот терен од Лазарополе кон Гари, пишува ТВ Нова.

Полицијата го обезбеди местото и прави увид, а телото ќе биде однесено на обдукција во институтот за судска медицина каде ќе се утврдува идентитетот и причините за смртта.

Низ планината Бистра повеќе од десет дена активно се трага по изгубените татко и син од селото Лазарополе.

Од МВР, пишува Тв Нова, не можеа да потврдат дали ова тело му припаѓа на еден од двајцата исчезнати скопјани по кои од пред две недели се врши потрага откако залутаа на планината Бистра.