Протестен марш „За заедничка Македонија“ во Берово
Не за двојазичност и не за промена на македонското име, порачаа од Берово граѓани кои ја поддржуваат граѓанската иницијатива „За заедничка Македонија“ и кои попладнево по петти пат одржаа протести.
Протестот се одвиваше во мирна атмосфера по улиците во центарот на градот, а заврши на градскиот плоштад, каде беше прочитан прогласот од петтиот протест во Берово.
Во Прогласот се вели дека гордиот Македонец зборува само на еден јазик, а македонскиот јазик бил и ќе биде столбот на унитарноста.
- Во Македонија треба да се знае дека живее храбар и силен народ што не се предава. Секој нареден ден ќе чекориме напред со гордо кренати глави и громогласно ќе извикаме дека ние сме македонски народ со чиста македонска крв, срцето на Македонија, а македонскиот јазик е нашето најсвето нешто. Затоа од Берово порачуваме не, за двојазичнот. Остануваме овде во Македонија, каде се зборува и ќе се зборува на македонски јазик, каде што се нашите корени, се истакнува во прогласот.
Поддржувачите на граѓанската иницијатива во Берово најавија дека протсетите ќе продолжат и наредните денови сѐ до решавање на кризата и отфрлањето на „тиранската платформа“.
Ново на Сител
-
Какви казни има за сквернавење национални симболи?
-
Тема на денот со Методи Хаџијанев, професор по безбедност
-
Дрво падна врз жена во центарот на Скопје, УХМР најавува невреме низ целата држава
-
Македонското знаме повторно се вее на Голем Кораб
-
Дрво падна врз жена во центарот на Скопје, УХМР најавува невреме низ целата држава
-
Дали движењето ЗНАМ ќе ја напушти владејачката коалиција?
-
Македонското знаме повторно се вее на Голем Кораб
-
Самарас: Грција да најде начин да се повлече од Преспа