Прв триумф на македонските фудбалерки во мундијалските квалификации
Македонската женска фудбалска репрезентација ја забележа првата победа во квалификациите за пласман на Светското првенство 2023 година, триумфирајќи вечерва на гостински терен во Рига над Латвија со 4-1 (2-1).
Гентијана Рочи веќе во 9. минута го отвори резултатот, а на 2:0 зголеми капитенот Наташа Андонова во 28. минута.
Само две минути подоцна противникот успеа да го намали резултатот преку Татјана Баличева и за момент да ја врати неизвесноста во натпреварот.
Во продолжението од средбата, избраничките на селекторот Кирил Изов постигнаа уште два погодоци, преку Улза Максути (51) и Андонова (63 пенал).
По три одиграни натпревари, македонските фудбалерки се на четвртото место во групата Д со три бодови, а следен противник во вторник во Охрид ќе им биде репрезентацијата на Луксембург, која е последно пласирана со два порази.
Ново на Сител
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар