Први места за Цинцов и Кусмак на вториот ден на Мавровскиот меморијал

Во трката на 10 км кај мажите Цинцов оствари време 18:43.9 минути и беше поуспешен од вчерашниот победник Еди Дачиќ од Хрватска,кој имаше заостанување од 27.6 секунди и го освои второто место. На третата позиција исто како и вчера се пласира Младен Плакаловиќ од БиХ.

Македонскиот олимпиец Дарко Дамјановски, кој со вчерашното четврто место обезбеди А норма за ЗОИ во Пјонгчанг следната година денешната трка ја заврши на седмото место со време 20:19.3 минути или 1:35.4 минута зад победникот.

Кај жените на патеката од 5 км победи Сања Кусмак од БиХ, вчера беше втора, а вчерашната победничка Дејана Косарац го освои второто место. Кусмак имаше време од 12:04.8 минути, а Кусмак заостана 1.7 секунда. Трета исто како и на вчерашната трка заврши македонската натпреварувачка Викторија Тодоровска со време 12:21.7 минути.

Женската трка денеска за завршија 20 натпреварувачки од 21 колку што стартуваа, а кај мажите пласман имаа 28 од 30 колку што се појавија на стартот.