Прво намалување на албанскиот јавен долг по шест години

Првпат по шест години годинава е регистриран пад на јавниот долг на Албанија, јави допсиникот на МИА.

Последните податоци на албанското Министертвото за финансии потврдуваат дека во третиот квартал од годинава долгот на Албанија се намалил на 60,77 отсто од бруто домашниот производ (БДП), за разлика од 72,21 проценти, колку изнесуваше на крајот од минатата година.

- Намалувањето на долгот е резултат на два фактора: раст на економијата и успорување на задолжувањата, оценува Министерството, додавајќи дека се очекува БДП на Албанија годинава, да достигне 11,2  милијарди евра наспроти ланските 10.6 милијарди евра.

Албанскиот Парламент лани ја овласти Владата во текот на 2016 година да го подигне нови кредити во износ од 260 милиони евра, но до крајот на септември Министерството за финансии не склучило никаков договор за нови задолжување.

Официјалните податоци потврдуваат дека на крајот од септември, буџетското салдо резултира со суфицит од 9,6 милијарди евра, поради пониските трошоци од планираното.