Путин утре ќе се вакцинира против коронавирус

Претседателот на Русија Владимир Путин соопшти дека утре ќе прими вакцина против коронавирусот, неколку месеци откако почна вакцинацијата во Русија.

Говорејќи на состанокот со владините претставници, Путин рече дека утре ќе прими вакцина, без да прецизира која вакцина од трите одобрени за употреба во Русија.

Според рускиот претседател, над шест милиони луѓе во Русија веќе примиле барем една доза вакцина, а над четрири милиони ги примиле двете дози на вакцината против Ковид-19.

Вакцинација со домашно развиената вакцина – Спутник В во Русија почна во декември, но досега се одвиваше побавно во споредба со многу други земји.