Путин во одбрана на Трамп
Рускиот претседател Владимир изјави дека американскиот претседател Доналд Трамп е непредвидлив, поради тоа што неговите противници во САД го спречуваат да исполни голем број од неговите предизборни ветувања.
- Неговата непредвидливост не е само врз основа на неговата природа. Втора причина е големиот отпор во земјата, бидејќи го спречуваат да ги реализира предизборните иницијативи. Така што не е во ред да се каже дека е непредвидлив по природа, туку тоа зависи од политичкиот систем на САД.
Тој додаде дека Москва ќе соработува со Трамп и покрај сите потешкотии.
Путин наведе и дека Трамп треба да биде почитуван бидејќи има демократски мандат.
- Тој е избран од американскиот народ и поради тоа треба да се почитува, дури и ако не се согласуваме со некој негов став, посочи Путин на Форумот за меѓународна политика во Сочи, додавајќи дека САД покажуваат непочитување кон Трамп.
Путин потенцира и дека Русија ќе соработува со американските партнери.
- САД се најголема светска и економска сила. За жал, нашата трговија е безначајна, но сеедно, влијанието на САД во светот е многу значајно. Таа земја дефинитивно е еден од нашите најважни партнери. Соработуваме со нив и покрај потешкотиите, под услов дека и тие го сакаат истото. Ако не, тогаш нема да го правиме тоа, наведе Путин.
Ново на Сител
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство