Рација на авганистанските сили, по грешка убиени девет лица

Најмалку девет лица, главно цивили, по грешка се убиени за време на рација на авганистанскитре сили на една куќа во источната провинција Нагархар, соопштија денеска локалните власти.

Гувернерот на провинцијата Хајатула Хајат изјави дека уште осум лица се ранети за време на рацијата, спроведена доцна синоќа во овбласта Чапархар.

Меѓу жртвите е и командантот на локалните полициски сили.

Хајат рече дека од куќата се слушнала пукотница, но по операцијата било утврдено дека жртвите се главно цивили.

Покрената е истрага која би требало да утврди како операцијата резултирала со цивилни жртви.