Реакции на ОН, САД и на Ројтерс по пресудата за новинарите на Ројтерс во Мјанмар
ОН повикаa за ослободување на двајца новинари на агенцијата Ројтерс осудени во Мјанмар на седум години затвор под обвинение за кршење на законот за државна тајна.
- Ние продолжуваме да повикуваме на нивно ослободување, рече Кнут Осбај, претставник на ОН во Мјанмар.
Американскиот амбасадор во таа држава, Скот Марсил ги оквалификува казните на двајцата новинари како „тажен факт за осудените и за сите во Мјанмар кои работат напорно за промовирање на основните слободи, вклучувајќи ја и слободата на медиумите“.
Во соопштение, агенцијата Ројтерс ја осуди пресудата и рече дека обвинувањата против двајцата новинари биле целосно фабрикувани.
- Тие двајца извонредни новинари поминаа девет месеци во затвор поради целосно фабрикувани обвиненија кои имаа за цел да ги замолчат и да им се заканат на медиумите, се вели во соопштението.
И главниот уредник Стивен Адлер ја оквалификува пресудата како „тажен ден за Мјанмар, за осудените новинари и медиумите низ целиот свет".
Тој рече дека пресудата за новинарите е голема пречка во преодот кон демократија во Мјанмар, и тоа нема никаква врска со владеењето на правото или слободата на говорот. Главниот уредник додаде дека во деновите што следуваат, агенцијата ќе одлучи како да дејствува против неправдата што е извршена врз двајцата новинари.
Ново на Сител
-
Обилен снег и силен студ ќе зафати делови од Европа во наредните денови
-
Нетанјаху: Израел ќе продолжи да се бори во Газа до победа
-
Четири деца тешко повредени откако паднале од покрив на спортска сала во Штутгард
-
Состојба на патиштата
-
Сончево со јужен ветер
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи