Реал: Заминува Пепе доаѓа Монтеиро

Дефанзивецот на Реал Мадрид, Пепе, пред извесно време соопшти дека по завршувањето на сезоната ќе го напушти клубот и ќе ја продолжи кариерата во Кина, а шпанските медиуми во петокот објавија дека тренерот Зинедин Зидан и претседателот Флорентино Перез, веќе одлучиле кој играч ќе пристигне на „Сантијаго Бернабеу“.

 

Пепе е еден од најважните играчи на Реал, иако оваа сезона шанса во првиот тим добива само кога е повреден Рафаел Варан, но сепак реши по една деценија да замине од Мадрид, откако не успеа да се договори со клубот околу должината на договорт. Реал му нудеше едногодишен, а бразилскиот португалец бараше нов двегодишен договор.

 

Во ситуација кога пепе заминува, тренерот Зидан и претседателот Перез веќе донеле одлука кој играч ќе дојде на неговото место.

 

Станува збор за сонародникот на Пепе, Фелипе Монтеиро (27) од Порто. Монтеиро од минатата сезона е во Порто, откако претходно пет години го носеше дресот на Коринтијанс.

 

Монтеиро добро се вклопи во играта на Порто, а одличните иги му обезбедија место и во бразилската репрезентација.

 

Дефанзивецот во својот договор има клаузула во која стои дека може предвреме да го напушти клубот за сума од 50 милиони евра, но шпанските медиуми шпекулираа дека поради добрите односи кои ги имаат Реал и Порто, Монтеиро ќе биде продаден за 30-милиони евра.