Резултати од обдукцијата: Никола Саздовски починал од повреди на мозокот!
Никола Саздовски починал од повреди на мозокот. Ова е резултатот од извршената одбукција која судска медицина денеска ја предала во Обвинителство. А, таму денеска се сослушуваа сведоци и очевидци на бруталниот напад врз 21-годишното момче, кои заедно со материјалните докази треба да помогнат во истрагата, но и за тоа Обвинителството да одлучи дали ќе го преквалификува кривичното дело „насилство“, во „убиство“.
-По прибирањето и анализата на сите докази ќе може да биде донесена јавнообвинителска одлука и во однос на кривичната одговорност на лицата и во однос на правната квалификација на кривичното дело. Во оваа фаза на постапката важни се сите сведочења кои можат да придонесат за расветлување на настанот. Ниту еден исказ не може да се смета за главен додека не се утврди неговата важност во натамошниот тек на постапката – објави Јавното обвинителство на Република Македонија
Тројца напаѓачи на возраст од 19, 20 и 21 година, засега се товарат за „насилство“. Двајца се во притвор, а по третиот полицијата сè уште трага. Притворените сè уште не се сослушани бидејќи Обвинителство сака да ги соочи со сите прибрани докази. Тие најверојатно утре ќе бидат изведени пред oбвинител, а ќе ги бранат адвокати по службена должност. Никола Саздовски на 29 јуни беше физички нападнат од три непознати лица на автобуска постојка во скопската населба Автокоманда. Полицијата го објасни настанот. Тројца од осомничените напаѓачи излегле од автомобилот и го нападнале момчето кое по десетдневна кома,вчера почина на една од скопските клиники. Саздовски беше член на навивачката група „Комити“. Денеска неговите другари од трибините во чест на прерано згаснатиот живот организирано отидоа на неговиот погреб.
Извор:Република.мк
Ново на Сител
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога