Рио 2016: Фелпс „доплива“ до 22.то злато

Американскиот пливач Мајкл Фелпс е најуспешниот на досегашните тек од Игрите во Рио откако ноќеска го освои четвртиот златен медал. Тој во финалето на трката на 200 метри мешано го освои првото место што е негов вкупно 22.ри златен медали на Олимписките игри или вкупно 26.ти медал. Тој имаше време – 1:54.66 минута. Среброто му припадна на Кусоке Хагино од Јапонија, а бронзата на Ванг Шун од Кина.

Во трката на 100 метри слободно кај жените беа доделени два златни медала. Исто време постигнаа Симоне Мануел (САД) и Пени Олексиак (Канада) - 52.70 секунди (олимписки рекорд). Бронзата и припадна на Сара Сјостром од Шведска.

Во трката на 200 метри грбно кај жените златото го освои Рие Кането од Јапонија, „сребрена“ стана Јулија Ефимова од Русија, а бронзата и припадна на Јинглин Ши од Кина.

Доминацијата на Американците во дисциплината 200 грбно продолжи откако Рајан Марфи победи во финалето, пред Мичел Ларкин од Австралија и Евгени Рилов од Русија.