Рио 2016: Три репрезентации со по две победи на ватерполо турнирот

 

 

Во групата А, тоа е селекцијата на домаќинот Бразил која во 2.коло славеше победа со 16-9 над Јапонија. Другите два натпревари завршија со идентичен резултат 9-9 и тоа средбите Србија - Грција и Унгарија – Австралија. 

 

На табелата води Бразил со максимални 4 бода пред Грција со 3, додека Србија и Унгарија имаат по 2, Австралија 1, а Јапонија е без освоен бод (0).

 

Во групата Б, дербито меѓу Хрватска и Црна Гора го добија Хрватите минимално со 8-7, додека Италија до втората победа стигна со триумфот над Франција од 11-8. Американците и по втор пат се совладани во неизвесен меч, овојпат од Шпанија со 10-9.

 

На табелата водечки се Италија и Хрватска имаат по 4 бодови, Црна Гора и Шпанија по 2, а САД и Франција се без бод (0).