Романија и Бугарија од март влегуваат во Шенген по воздушен и морски пат
Австрија постигна договор со Бугарија и Романија за влез во Шенген зоната по воздушен пат, а двете земји ги исполнија австриските барања, соопшти австриското Министерство за надворешни работи.
Документот е испратен до земјата претседавач со ЕУ, Шпанија, а сега останува на претседателството и на Европската комисија да ја спроведат бугарската и романската апликација за влез во Шенген зоната, јави виенски Курир.
По разговорите за влез во Шенген по воздушен пат кон средината на декември, што ги одржаа министрите за внатрешни работи на трите земји, преговорите беа финализирани.
Австрија побара зголемување на мисиите на Фронтекс во Бугарија и Романија, распределба на финансиски средства од Европската комисија за стабилна заштита на надворешните граници на ЕУ во двете земји, како и построга контрола на копнените граници во Бугарија и Романија за барателите на азил, особено од Авганистан и Сирија, кои моментално се наоѓаат во Австрија.
Виенски „Курир“ објаснува дека воздушниот Шенген значи дека патниците од Романија и Бугарија повеќе нема да мора да поминуваат низ терминалите за трети земји на аеродромите.
Оваа одлука ќе стапи во сила во март 2024 година.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово