Роналдо се зацврсти на врвот на листата на стрелци во Серија А

Кристијано Роналдо вечерва со гол придонесе во триумфот на актуелниот италијански првак Јувентус над Рома од 2:0 во дерби натпреварот од 21 коло во Серија А.

Португалскиот напаѓач, кој вчера го прослави својот 36 роденден, беше прецизен во 13 минута, пред бразилскиот дефанзивец Ибанез со автогол во 69 минута да ја потврди победата на Јувентус.

Со вечерашниот триумф Јувентус ја прескокна Рома на третото место на табелата со 42 бодови, пет помалку од лидерот Интер, кој има одиграно натпревар повеќе.