Русија ноќеска повторно го нападна Киев со балистички ракети

Русија ноќеска повторно го нападна Киев со балистички ракети, при што најмалку шест лица се повредени, објави Виталиј Кличко, градоначалник на украинскиот главен град, јави ДПА.

Во источниот дел од градот со три милиони жители беснеат неколку пожари. Според неофицијални информации, главна цел на руските напади биле термоелектраните лоцирани во областа.

Сирените за воздушен напад во Киев беа активирани во 03:51 часот по локално време. Подоцна, накратко беше прогласена закана од воздушни напади низ цела Украина.