Руската армија тврди дека соборила 47 украински дронови
Руската армија соопшти дека во текот на ноќта соборила 47 украински беспилотни летала, од кои речиси половина во областа Брјанск, која граничи со Украина.
„Во текот на ноќта беа спречени обидите на Киев да изврши терористички напади со дронови на локации на руска територија“, соопшти денеска руското Министерство за одбрана.
„Системите за противвоздушна одбрана пресретнаа и уништија 47 украински беспилотни летала“, од кои 24 беа во областа Брјанск, се вели во соопштението.
Пет беспилотни летала беа соборени над регионот Белгород, два над Курск, а двата региони граничат со Украина.
Два беспилотни летала се уништени во Ростовската област во близина на украинската граница, еден во Краснодарската област на југозапад и 13 над Азовското Море.
Русија речиси секојдневно известува дека уништила украински беспилотни летала испратени на нејзина територија. Киев ги препознава овие напади, чија цел често се енергетски инсталации, како одговор на руското бомбардирање на Украина, кое трае повеќе од две години.
Ново на Сител
-
Претрес во Охрид, пронајдена дрога, приведен дилер
-
ЕСМ Снабдување со топлина со апел до потрошувачите за навремена подготовка за непречена испорака на топлинска енергија
-
Останува ист коефициентот за утврдување на плата на именуваните и избрани функционери
-
Судот на правдата на ЕУ ја отфрли жалбата на „Гугл“ на казната од 2,4 милијарди евра
-
МВР: Првичните сознанија од обдукцијата упатуваат на труење како веројатна причина за смрта на мајката и детето во тетовско Слатино
-
Почина Игор Лазарев, советник во општина Центар и претседател на огранокот на Социјалистичката партија
-
Ристовски: Пандев, Лазаров и Иџе нема да рекламираат казина или обложувалници
-
Сите студенти ќе добијат ваучер за набавка на електронски уред, преговорите со ИТ компаниите треба да завршат до крајот на годинава