Руско МНР: Лавров никогаш не зборувал за поделба на Македонија
Министерството за надворешни работи на Русија го оцени како „чиста провокација“ написот објавен од македонската редакција на Дојче веле, во кој, како што се наведува, бил направен обид на шефот на руската дипломатија Сергеј Лавров да му се припише идејата за поделба на Македонија. Целта на написот, според официјална Москва, била „да се подгреат тензиите во Македонија“.
- Лавров никогаш не давал изјави со таква или слична содржина, туку напротив отсекогаш осудувал какви било слични наводи, се вели во реакцијата од руското МНР.
Идејата за поделба на Македонија, се посочува во соопштението, дојде од страна на американскиот конгреснмен Дејна Рорабахер.
- Очигледно е дека таа измислица е направена со провокативна цел за да се извалка имиџот на Русија на Балканот, но и да ги подгрее тензиите во Македонија, истакнува руското МНР.
Покрај тоа, се нагласува и дека администрациите на САД и на ЕУ, со користење на деструктивни методи како „шарени револуции“ и обидите да се воспостави владеење кое не е во согласност со јавното мислење, директно се мешаат во внатрешните работи на Македонија.
- Уверени сме дека таквите потези ќе доведат до поткопување на суверенитетот и територијалниот интегритет на Македонија, предупредува во реакцијата Министерството за надворешни работи на Руската Федерација.
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата